ଚିତ୍ରକୋଣ୍ଡା-୦୧/୦୯/୨୨ ମାଲକାନଗିରି ଜିଲ୍ଲାର ଚିତ୍ରକୋଣ୍ଡା ଜଳଭଣ୍ଡାରରେ ବୁଡ଼ିଲା ଡ଼ଙ୍ଗା।ଡଙ୍ଗା ବୁଡିରେ ଜଣେ ମହିଳା ନିଖୋଜ। ନିଖୋଜ ମହିଳାଙ୍କ ନାମ ମୋତି ଗୋଲାରୀ ବୟସ ୪୦ ବର୍ଷ ଯନ୍ତ୍ରୀର ଗ୍ରାମ। କାଲି ତିନିଟା ସମୟରେ ଧାକଡ଼ପଦର ଠାରୁ ନିଜ ଘର ଯନ୍ତରୀ ଗ୍ରାମକୁ ଏକ ଦେଶୀ ଡଙ୍ଗା ମାଧ୍ୟମରେ ସ୍ୱାମୀ ଅର୍ଜୁନ ଗୋଲାରୀ ଓ ସ୍ତ୍ରୀ ମୋତି ଗୋଲାରୀ ଫେରୁଥିବା ବେଳେ ଅଚାନକ ଝାଡ଼ଥୋଫାନ ହୋଇଥିଲା ଯଦ୍ବାରା ଡଙ୍ଗାଟି ବୁଡିଯାଇଥିଲା। ସ୍ତ୍ରୀ ନିଖୋଜ ଥିବାବେଳେ ସ୍ୱାମୀ ପହଁରି ନଦୀ କୂଳରେ ପହଁଚିଲା। ଘଟଣାସ୍ଥଳରେ ଚିତ୍ରକୋଣ୍ଡା ପୋଲିସ ଓ ଅଗ୍ନିଶମ ବିଭାଗ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି। ବର୍ତ୍ତମାନ ନିଖୋଜ ଥିବା ମୋତି ଗୋଲାରୀଙ୍କ ମୃତଦେହ ଉଦ୍ଧାର କରାଯାଇଛି ଓ ଚିତ୍ରକୋଣ୍ଡା ପୋଲିସ ବ୍ୟବଚ୍ଛେଦ ପାଇଁ ବ୍ୟବସ୍ଥା କରୁଛି।
