ପ୍ରଧାନମନ୍ତ୍ରୀଙ୍କ ଜନ୍ମ ଦିବସରେ ବୃକ୍ଷରୋପଣ

ଫୁଲବାଣୀ: ୧୭/୦୯ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ୭୨ ତମ ଜନ୍ମଦିନ ଅବସରରେ ଦୀର୍ଘ ନିରାମୟ ଜୀବନ କାମନା କରିବାସହ ବିଭିନ୍ନ ଅଞ୍ଚଳରେ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି ଅବସରରେ ଜି. ଉଦୟଗିରି ଠାରେ ବିଜେପି ପକ୍ଷରୁ ବିଭିନ୍ନ ୱାର୍ଡ ଅଞ୍ଚଳରେ ବୃକ୍ଷରୋପଣ କରାଯାଇଥିଲା l ଏଥିସହ କେତକ ସ୍ଥାନରେ ସ୍ୱଚ୍ଛତା କାର୍ଯ୍ୟକ୍ରମ ମଧ୍ୟ ଅନୁଷ୍ଠିତ ହୋଇଥିଲା l ଜି. ଉଦୟଗିରି ବିଜେପି ମହିଳା ନେତ୍ରୀ ତଥା ଏନଏସି ଅଧ୍ୟକ୍ଷା ପ୍ରାର୍ଥୀ ଶ୍ରୀମତୀ ସୁସ୍ମିତା ଜେନାଙ୍କ ସମେତ ବହୁ ବିଜେପି ମହିଳା ନେତ୍ରୀ, କାଉନସିଲର, କର୍ମୀମାନେ ଉପସ୍ଥିତ ରହି ନିଆରା ଢଙ୍ଗରେ ପ୍ରଧାନମନ୍ତ୍ରୀଙ୍କ ଜନ୍ମଦିନ ପାଳିଥିଲେ l ସେହିପରି ଫୁଲବାଣୀ ବିଜେପି ଓ ଯୁବ ମୋର୍ଚ୍ଚା ପକ୍ଷରୁ ଏହି ଅବସରରେ ସ୍ଵେଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା l