ଭୁବନେଶ୍ୱର: ଭୁବନେଶ୍ୱର ମହାନଗର ନିଗମର ୱାର୍ଡ଼ ନମ୍ବର ପାଞ୍ଚ ଚକେଇସିହାଣୀ ଦରିଦ୍ର ନାରାୟଣ ୟୁଥ୍ କ୍ଳବ୍ (ଡି.ଏନ. ୟୁଥ କ୍ଳବ୍) ପକ୍ଷରୁ ଗତକାଲି ଯୁବକ ମାନେ ଏକତ୍ରିତ ହୋଇ ପୁଲୱାମା ଠାରେ ସହିଦ ହୋଇଥିବା ସହିଦ ଯବାନଙ୍କୁ ଶ୍ରଦ୍ଧାଞ୍ଜଳୀ ଜ୍ଞାପନ କରିଛନ୍ତି। ଡି.ଏନ. ୟୁଥ କ୍ଳବର ସଭାପତି ବ୍ରଜକିଶୋର ସ୍ୱାଇଁ ଓ ଅମିତ୍ ଦାସଙ୍କ ନେତୃତ୍ୱରେ ଆୟୋଜିତ ଶ୍ରଦ୍ଧାଞ୍ଜଳି ଓ କ୍ୟାଣ୍ଡେଲ ଶୋଭାଯାତ୍ରାରେ ମୁଖ୍ୟ ଅତିଥି ଭାବେ ବିଶିଷ୍ଟ ଓଡ଼ିଆ ଚଳଚ୍ଚିତ୍ରର ଅଭିନେତା ଭିକାରୀ ସ୍ବାଇଁ ଯୋଗ ଦେଇ ଉଦଘାଟନ କରିବା ସହ ଶୋଭାଯାତ୍ରାରେ ସାମିଲ ହୋଇ ସହୀଦ ଅମର ଯବାନଙ୍କ ସ୍ମୃତି ଉଦ୍ଦେଶ୍ୟରେ ଦେଶାତ୍ମକ ବୋଧତାର ସମ୍ପର୍କରେ ସୂଚନା ଦେଇ ସ୍ମୃତିଚାରଣ କରିଥଲେ। ଏହି ଶୋଭାଯାତ୍ରା ବଜାର ପରିକ୍ରମା ସହ ଗାଁରେ ବି ପରିକ୍ରମା କରିଥିଲେ, ଯାହା ଥିଲା ଅନନ୍ୟ । ୨୦୧୯ ମସିହା ଫେବୃଆରୀ ୧୪ ଗୁରୁବାର ଦିନ ଜାମ୍ମୁ ଓ କାଶ୍ମୀର ପୁଲୱମା ଠାରେ ଘଟି ଯାଇଥିବା ଘଟଣା ଆତଙ୍କବାଦୀ ମାନେ ସିଆରପିଏପ ବସକୁ ଲକ୍ଷ କରି ଆତ୍ମଘାତୀ ବୋମା ବିସ୍ପୋରଣ କରିଥିଲେ। ସେଥିରେ ୪୦ରୁ ଉର୍ଦ୍ଧ ଯବାନ ସହିଦ ହୋଇଥିଲେ। ସେହି ଯବାନ ମାନଙ୍କ ବଳିଦାନକୁ ମନେ ପକେଇ ଅଞ୍ଚଳର ଅନେକ ବନ୍ଧୁମାନେ ସହିଦ ଦିବସ ପାଳନ କରି ସହିଦ ହୋଇଥିବା ସେନାଙ୍କୁ ଦ୍ଵୀପ ପ୍ରଜ୍ଵଲନ କରି ଶ୍ରଦ୍ଧାଞ୍ଜଳୀ ଦେବା ସହ ଅମର ଆତ୍ମାର ସଦଗତି କାମନା କରିଥିଲେ।
