ଅବସରପ୍ରାପ୍ତ ପ୍ରଶାସନିକ ଅଧିକାରୀ ସ୍ୱର୍ଗତ ମୃଣାଳକାନ୍ତ ପୁରକାୟତଙ୍କ ଶ୍ରଦ୍ଧାଞ୍ଜଳି ସଭା

ଭୁବନେଶ୍ୱର: ସ୍ୱର୍ଗତ ମୃଣାଳକାନ୍ତ ପୁରକାୟତ ଅବସରପ୍ରାପ୍ତ ପ୍ରଶାସନିକ ଅଧିକାରୀଙ୍କ ଶ୍ରଦ୍ଧାଞ୍ଜଳୀ ସଭା ହୋଟେଲ ସ୍ୱସ୍ତିରେ ଅନୁଷ୍ଠିତ ହୋଇଥିଲା । ପ୍ରଥମେ ପୁରୀ କର୍ମକାଣ୍ଡ ମହାବିଦ୍ୟାଳୟର ଛାତ୍ରମାନେ ବେଦପାଠ କରିଥିଲେ । ଏହି ଅବସରରେ ବହୁ ମାନ୍ୟଗଣ୍ୟ ବ୍ୟକ୍ତି ତଥା ବରିଷ୍ଠ ଅବସରପ୍ରାପ୍ତ ସର୍ବଭାରତୀୟ ପ୍ରଶାସକ ଶ୍ରୀ ପ୍ରସନ୍ନ ମିଶ୍ର, ଶ୍ରୀ ଉପେନ୍ଦ୍ର ନାଥ ବେହେରା, ଶ୍ରୀ ରମେଶ ମିଶ୍ର, ଶ୍ରୀ ସୁରେଶ ଚନ୍ଦ୍ର ପଣ୍ଡା, ଶ୍ରୀ ରାଜେନ୍ଦ୍ର ପଣ୍ଡା, ଶ୍ରୀ ମଧୁସୂଦନ ପାଢ଼ୀ ଓ ଶ୍ରୀ ଶୋଭନ କର ଆଦି ଯୋଗଦେଇ ସ୍ୱର୍ଗତ ଅମର ଆତ୍ମାର ସ୍ମୃତିଚାରଣ କରିଥିଲେ ଓ ଶୋକସନ୍ତପ୍ତ ପରିବାରବର୍ଗଙ୍କୁ ସମବେଦନା ଜଣାଇଥିଲେ । ସର୍ବଶେଷରେ ତାଙ୍କର ପୁତ୍ର ବିଜୁ ପଟ୍ଟନାୟକ ଜାତୀୟ ଇସ୍ପାତ ପ୍ରତିଷ୍ଠାନର ନିର୍ଦ୍ଦେଶକ ଶ୍ରୀ ପ୍ରିତମ ପୁରକାୟସ୍ଥ ଧନ୍ୟବାଦ ଦେଇଥିଲେ ।