ବିଜେଡିର ନିର୍ବାଚନ ପ୍ରଚାର ସହ ରଣନୀତି ପ୍ରସ୍ତୁତି ବୈଠକ

ମାଲକାନଗିରି: ମାଲକାନଗିରି ଜିଲ୍ଲା ବିଜୁ ଜନତା ଦଳର ଜିଲ୍ଲା ସଭାପତି ତଥା ପୂର୍ବତନ ବିଧାୟକ ମାନସ ମାଡକାମିଙ୍କ ମାଲକାନଗିରି ସଦର ବ୍ଲକର ଚାଲାଣଗୁଡା ଗ୍ରାମ ପଞ୍ଚାୟତ ଅନ୍ତର୍ଗତ ନିଜ ଗ୍ରାମ ଏମ୍ ଭି ୪୫ ଗ୍ରାମର ମା କାଳୀ ମନ୍ଦିର ପ୍ରାଙ୍ଗଣରେ ମା କାଳୀଙ୍କ ଆଶୀର୍ବାଦ ଗ୍ରହଣ କରି ଆଜି ବିଜୁ ଜନତା ଦଳର ନିର୍ବାଚନ ପ୍ରଚାର ପ୍ରସାର ଆରମ୍ଭ କରିଛନ୍ତି । ମା କାଳୀଙ୍କ ମନ୍ଦିର ପ୍ରାଙ୍ଗଣରେ ନିର୍ବାଚନ ସାଧାରଣ ସଭାରେ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକଙ୍କ ସୁଦୃଢ ନେତୃତ୍ବ ଏବଂ ବଳିଷ୍ଠ ଶାସନନୀତି ମାଧ୍ୟମରେ, ଓଡ଼ିଶାରେ ପୁନଶ୍ଚ ବିଜୟର ଧ୍ବଜା ଉଡାଇବା ସହ ଷଷ୍ଠ ଥର ଭାବେ ଓଡ଼ିଶାର ମୁଖ୍ୟମନ୍ତ୍ରୀ ହେବେ ବୋଲି ମାନସ ମାଡକାମୀ ଉପସ୍ଥିତ ଜନ ସାଧାରଣଙ୍କୁ କହିଲେ । ଉକ୍ତ ସଭାରେ ମାଲକାନଗିରି ଜିଲ୍ଲାର ୨୧୪ଟି ବେଙ୍ଗଲି ଗ୍ରାମର ନେତୃତ୍ୱ ନେଉଥିବା ଓ ସେମାନଙ୍କ ସୁଖ ଦୁଃଖ ରେ ସବୁବେଳେ ଜଡିତ ରହୁଥିବା ମାଲକାନଗିରି ଜିଲ୍ଲା ବିଜୁ ଜନତା ଦଳର ଜିଲ୍ଲା କାର୍ଯ୍ୟକାରୀ ସଭାପତି ଦୁର୍ଗା ପ୍ରସାଦ ତ୍ରିପାଠୀ ଯୋଗ ଦେଇ ଉପସ୍ଥିତ ଜନ ସାଧାରଣଙ୍କୁ ଚଳିତ ନିର୍ବାଚନରେ ଶଙ୍ଖ ବାଜିବ ଘରେ ଘରେ, ସାଢେ ୪ କୋଟି ଓଡିଶାବାସୀଙ୍କ ଆଶୀର୍ବାଦରେ ପୁନର୍ବାର ନବୀନ ବାବୁ ସରକାର ଗଠନ କରିବେ କହିବା ସହ ମାଲକାନଗିରି ଜିଲ୍ଲାର ବେଙ୍ଗଲି ଜନ ସାଧାରଣ ସମସ୍ତ ସମସ୍ୟା ଉପରେ ମାନ୍ୟବର ନବୀନ ବାବୁ ସ୍ୱତନ୍ତ୍ର ଧ୍ୟାନ ଦେଇ ମାଲକାନଗିରି ଜିଲ୍ଲାର ସମସ୍ତ ବେଙ୍ଗଲି ମା ଭଉଣୀ, ଭାଇ ମାନଙ୍କୁ ବହୁ ଭଲ ପାଆନ୍ତି ବୋଲି କହିବା ସହ ଲୋକସଭା ଓ ବିଧାନସଭା ନିର୍ବାଚନରେ ଏଥର ଦୁଇଟି ଭୋଟ ବିଜୁ ଜନତା ଦଳ ଶଙ୍ଖ ଚିହ୍ନ ଦେଇ ଜୟ ଯୁକ୍ତ କରିବା ପାଇଁ ଅନୁରୋଧ କରିଛନ୍ତି । ଆଜିର ସଭାରେ ସଭା ପରିଚାଳନା କରୁଥିଲେ ଚାଲାଣ ଗୁଡା ସମିତି ସଭ୍ୟ ଆନନ୍ଦ ମାଲାକାର, ଉକ୍ତ ସଭାରେ ଉପସ୍ଥିତ ଥିଲେ ବିଜୁ ଜନତା ଦଳର ବରିଷ୍ଠ ନେତା ତଥା ଚାଲାଣ ଗୁଡାଜିଲ୍ଲା ପରିଷଦ ଜୋନ୍ ସଂଯୋଜକ ପ୍ରଫୁଲ ପଣ୍ଡା, ମାଲକାନଗିରି ବ୍ଲକ ଅଧ୍ୟକ୍ଷା ଗୋୖରୀ ପଡ଼ିଆମୀ, ଦିବାସ ମିସ୍ତ୍ରୀ, ଯୁବ ନେତା ଗାନ୍ଧୀ କୁମାର ପଣ୍ଡା, ବିଜେଡି ମିଡିଆ ସଂଯୋଜକ ସଦାନନ୍ଦ ଖରାଙ୍କ ସହ ସ୍ଥାନୀୟ ଗ୍ରାମର ସମସ୍ତ ବୁଦ୍ଧିଜୀବୀ, ସମସ୍ତ ମା ମାନେ, ବିଜୁ ଜନତା ଦଳର ସକ୍ରିୟ କାର୍ଯ୍ୟକର୍ତ୍ତା ପ୍ରମୁଖ ଉପସ୍ଥିତ ଥିଲେ ।