ଭୁବନେଶ୍ୱର ରମାଦେବୀ କଲେଜରେ ପଢିବାବେଳେ ଦ୍ରୌପଦୀ, ଶ୍ୟାମ ଚରଣ ମୁର୍ମୁଙ୍କୁ ଭେଟିଥିଲେ। ପ୍ରଥମେ ବନ୍ଧୁତା ଓ ପରେ ବନ୍ଧୁତା ପ୍ରେମରେ ପରିଣତ ହୋଇଥିଲା | ଶ୍ୟାମ ଚରଣ ମଧ୍ୟ ଭୁବନେଶ୍ୱରର ଏକ କଲେଜରେ ପଢୁଥିଲେ ।
ଦ୍ରୌପଦୀଙ୍କ ପାରିବାରିକ ଜୀବନ
ଦ୍ରୌପଦୀ ଓ ଶ୍ୟାମ ଚରଣଙ୍କ ଔରସରୁ ଚାରି ସନ୍ତାନ ଥିଲେ। ଚାରି ସନ୍ତାନଙ୍କ ମଧ୍ୟରୁ ଦୁଇ ପୁଅ ଏବଂ ଦୁଇ ଝିଅ ଥିଲେ। ୧୯୮୪ ମସିହାରେ ବଡ ଝିଅର ମୃତ୍ୟୁ ହୋଇଥିଲା | ଏହା ପରେ, ୨୦୦୯ ରେ ଏବଂ ୨୦୧୩ ରେ ଦୁଇ ପୁଅଙ୍କର ମୃତ୍ୟୁ ହୋଇଥିଲା | ମୁର୍ମୁଙ୍କ ସ୍ୱାମୀ ଶ୍ୟାମ ଚରଣ ମୁର୍ମୁଙ୍କର ମଧ୍ୟ ୨୦୧୪ରେ ମୃତ୍ୟୁ ହୋଇଯାଇଥିଲା ।
ଏହା ୧୯୮୦ ଦଶକର କଥା | ଦ୍ରୌପଦୀ ଏବଂ ଶ୍ୟାମ ଚରଣ ଦୁହେଁ ପରସ୍ପରକୁ ପସନ୍ଦ କରିବାକୁ ଲାଗିଲେ। ତେବେ ପରିବାରର ସହମତି ପାଇଁ ଶ୍ୟାମ ଚରଣ ବିବାହ ପ୍ରସ୍ତାବ ନେଇ ଦ୍ରୌପଦୀଙ୍କ ଘରେ ପହଞ୍ଚିଥିଲେ। ବାସ୍ତବରେ ଶ୍ୟାମ ଚରଣଙ୍କ କିଛି ସମ୍ପର୍କୀୟ ଦ୍ରୌପଦୀଙ୍କ ଗାଁରେ ରହୁଥିଲେ। ଏଭଳି ପରିସ୍ଥିତିରେ ଶ୍ୟାମ ଚରଣ ତାଙ୍କ କକେଇ ଏବଂ ସମ୍ପର୍କୀୟଙ୍କ ସହ ଦ୍ରୌପଦୀଙ୍କ ଘରକୁ ଯାଇଥିଲେ। ସମସ୍ତ ଚେଷ୍ଟା ସତ୍ତ୍ୱେ ଦ୍ରୌପଦୀଙ୍କ ପିତା ବିରଞ୍ଚି ନାରାୟଣ ଟୁଡୁ ବିବାହ ପାଇଁ ରାଜି ହୋଇନଥିଲେ | ତେବେ ଶ୍ୟାମ ଚରଣ ମଧ୍ୟ ପଛକୁ ହଟିନଥିଲେ । ସେ ନିଷ୍ପତ୍ତି ନେଇଥିଲେ ଯେ ଯଦି ସେ ବିବାହ କରିବେ, ତେବେ ସେ କେବଳ ଦ୍ରୌପଦୀଙ୍କୁ ହିଁ ବିବାହ କରିବେ |
ନିଜ ଘର ସମ୍ମୁଖରେ ସ୍ୱାମୀ ଓ ଦୁଇ ପୁଅଙ୍କର ମୂର୍ତ୍ତି ସ୍ଥାପନ କରିଛନ୍ତି ଦ୍ରୌପଦୀ
ଶ୍ୟାମ ଚରଣ ଦ୍ରୌପଦୀଙ୍କ ଗାଁରେ ତିନି ଦିନ ଯାଏଁ ରହିଥିଲେ |ଉଭୟ ଦ୍ରୌପଦୀ ଓ ଶ୍ୟାମ ଚରଣ ବିରଞ୍ଚିଙ୍କୁ ମନାଇବାକୁ ଲାଗିପଡ଼ିଥିଲେ | ଶେଷରେ ବିରଞ୍ଚି ବିବାହ ପାଇଁ ରାଜି ହୋଇଥିଲେ | ଏହାପରେ ଶ୍ୟାମ ଚରଣ ଏବଂ ଦ୍ରୌପଦୀଙ୍କ ପରିବାର ସଦସ୍ୟମାନେ ଯୌତୁକ କଣ ଦିଆଯିବ ବୋଲି ଆଲୋଚନା କରିଥିଲେ | ଶେଷରେ ଶ୍ୟାମ ଚରଣଙ୍କ ଘର ପକ୍ଷରୁ ଦ୍ରୌପଦୀଙ୍କ ପରିବାରକୁ ଗୋଟିଏ ଗାଈ, ଗୋଟିଏ ବଳଦ ଓ ୧୬ ହଳ ପୋଷାକ ଦିଆଯିବ ବୋଲି ନିଷ୍ପତ୍ତି ନିଆଯାଇଥିଲା। ଉଭୟଙ୍କ ପରିବାର ଏଥିରେ ସହମତ ହୋଇଥିଲେ। ବାସ୍ତବରେ, ସାନ୍ତାଳୀ ସମ୍ପ୍ରଦାୟରେ ପୁଅ ଘର ପକ୍ଷରୁ ଝିଅର ପରିବାର ସଦସ୍ୟଙ୍କୁ ଯୌତୁକ ଦିଆଯାଏ |