କାଲିମେଳା ,ତା ୨୧/୪:ଦୁଇ ମଟରସାଇକଲ ମୁହାଁ ମୁହିଁ ଧକ୍କା ହେବା ଫଳରେ ଦୁଇ ଚାଳକ ଗୁରୁତ୍ତର ଆହତ ହୋଇ କାଲିମେଳା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି ହୋଇଥିଲେ । ପରେ ଏମାନଙ୍କୁ ମାଲକାନଗିରି ସଦର ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଥିଲା । କାଲିମେଳା ଆଦିବାସୀ କଲୋନୀର ଇର୍ମା କବାସୀ (୪୦) ଏବଂ ଅନ୍ୟଜଣେ ଏମପିଭି-୬୦ ଗ୍ରାମର ବଳରାମ ସରକାର (୩୬) ଏହି ଦୁର୍ଘଟଣା ର ଶିକାର ହୋଇଛନ୍ତି । ଆଜି ସକାଳେ ନିଜ ବାଇକ ଗ୍ୟାରଜ କୁ ବଳରାମ ସରକାର ବାଇକ ରେ ଆସୁଥିବା ବେଳେ ସାମ୍ନା ଆଡୁ ଇର୍ମା କବାସି ବାଇକ ରେ ଆସୁଥିଲା । ତେବେ ଦୁହେଁ ଆଦିବାସୀ କଲୋନୀ ଠାରେ ମୁହାଁ ମୁହିଁ ଧକ୍କା ହୋଇଥିଲା ବୋଲି ଜଣାପଡିଛି । ଦୃତ ଗତିରେ ଆସୁଥିବା ମେଡ଼ିକାଲର ବୋଲେରୋ ଗାଡ଼ି କୁ ସାଇଡ ଦେବାକୁ ଯାଇ ଉକ୍ତ ଦୁଇଟି ବାଇକ ମୁହାଁମୁହିଁ ଧକ୍କା ହୋଇଥିଲା ।