ସୋନେଟ୍ -୪
ଘୋଷଯାତ୍ରା
ଘୋଷଣା ହେଲାଣି ହେବ ଘୋଷଯାତ
ଘୋଷକ ପଣ୍ଡିତେ ହେଲେଣି ମଣ୍ଡିତ
ଘେରାଘେରି କରି ପତିଏ ଘୋଷାରି
ଘୋଷରା ବାଇଶି ପାହାଚେ ଉତ୍ତାରୀ ।
ଘୋଷି ଘୋଷି ତୁଣ୍ଡେ ଜୟ ଜଗନ୍ନାଥ
ଘେନିଯିବେ ଘୁଣ୍ଡେ ନନ୍ଦିଘୋଷ ରଥ
ଘେରି ରହିଥିବେ ଭକତ ମଣ୍ଡଳୀ
ଘୋର ନାଦେ ଦାଣ୍ଡ ପଡିବ ଉଚ୍ଛୁଳି ।
ଘର୍ ଘର୍ ହୋଇ ଗଡିଯିବ ରଥ
ଘେନାଇ ଗୁହାରି କରିବେ ଭକତ
ଘେନିବେ ଗୁହାରି ଫେଡିବେ କଷଣ
ଘନଶ୍ଯାମ ପ୍ରଭୁ ନିଳାଦ୍ରି ଭୂଷଣ ।
ଘାଟ ର କଉଡି ପାରିବିନି ଦେଇ
ଘାଟମାଝୀ ତରୀ ଦେବକି ଲଗାଇ ??
ଡ ସୁଧୀର ସାମଲ
( * ଘୁଣ୍ଡ- ବଡ କଳା ଭ୍ରମର *)