ସୋଆରେ ସ୍କୁଲ୍ ଛାତ୍ରଛାତ୍ରୀ ମାନଙ୍କ ନିମନ୍ତେ କ୍ରୀଡା ପ୍ରଶିକ୍ଷଣ ଶିବିର ଉଦ୍‌ଯାପିତ

ଭୁବନେଶ୍ୱର, ୩୦/୦୬: କ୍ରୀଡା କ୍ଷେତ୍ରରେ ସ୍କୁଲ୍ ଛାତ୍ରଛାତ୍ରୀମାନଙ୍କୁ ଅଧିକ ପ୍ରଶିକ୍ଷିତ କରିବାର ଲକ୍ଷ୍ୟ ନେଇ ଶିକ୍ଷା ଓ
ଅନୁସନ୍ଧାନ (ସୋଆ) ପକ୍ଷରୁ ଗତ ଏକ ସପ୍ତାହ ଧରି ଆୟୋଜିତ ହୋଇଥିବା ପ୍ରଶିକ୍ଷଣ ଶିବିର ବୁଧବାର ଉଦ୍‌ଯାପିତ
ହୋଇଯାଇଛି ।
ସୋଆର କ୍ୟାମ୍ପସ-୨ରେ ଥିବା ସ୍ପୋର୍ଟ୍ସ କମ୍ପେ୍ଲକ୍ସରେ ଆରମ୍ଭ ହୋଇଥିବା ଏହି ୯ ଦିନିଆ ପ୍ରଶିକ୍ଷଣ ଶିବିରର
ଉଦ୍‌ଯାପନୀ ଉସ୍ତ୍ରବରେ ସୋଆର ଉପକୁଳପତି ପ୍ରଫେସର ପ୍ରଦୀପ୍ତ କୁମାର ନନ୍ଦ ଓ ଛାତ୍ର ମଙ୍ଗଳ ଡିନ୍ ପ୍ରଫେସର ଜ୍ୟୋତି
ରଞ୍ଜନ ଦାସ ଉପସ୍ଥିତ ଥିଲେ ।
ସୋଆର ସ୍ପୋର୍ଟ୍ସ ଅଫିସର ଶ୍ରୀମତି ସୁନିତା ବର୍ମାଙ୍କ ତତ୍ୱାବଧାନରେ ଆୟୋଜିତ ଏହି ଶିବିରରେ ୫ମ ଶ୍ରେଣୀରୁ ୧୦ମ
ଶ୍ରେଣୀ ପର୍ଯ୍ୟନ୍ତ ବିଭିନ୍ନ ବୟସର ଛାତ୍ରଛାତ୍ରୀ ସାମିଲ ହୋଇଥିଲେ । ସେମାନଙ୍କୁ ବାସ୍କେଟବଲ, ଟେବୁଲ ଟେନିସ୍ ଏବଂ ଟେନିସ୍‌ରେ
ପ୍ରଶିକ୍ଷଣ ଦିଆଯାଉଛି । କୋଚ ଉର୍ବଶୀ ମଲ୍ଲିକ୍‌, ସହିଦ ହୁସେନ୍ ଏବଂ ସୁବ୍ରତ ନାୟକ ସେମାନଙ୍କୁ ପ୍ରଶିକ୍ଷଣ ଦେଉଥିଲେ ।
ଏସ୍‌ଓଏସ୍ ଭିଲେଜ ସମେତ ଆଖପାଖ ଅଂଚଳରେ ଥିବା ବିଭିନ୍ନ ସରକାରୀ ଓ ବେସରକାରୀ ସ୍କୁଲର ପ୍ରାୟ ୬୦ ଜଣ
ଛାତ୍ରଛାତ୍ରୀ ଏହି ପ୍ରଶିକ୍ଷଣ ଶିବିରରେ ଯୋଗ ଦେଇଥିଲେ ।
ଏହି ଶିବିରର ଉଦ୍‌ଯାପନୀ କାର୍ଯ୍ୟକ୍ରମରେ ସମସ୍ତ ପ୍ରତିଯୋଗୀଙ୍କୁ ସୋଆ ପକ୍ଷରୁ ସାର୍ଟିଫିକେଟ୍ ମଧ୍ୟ ପ୍ରଦାନ
କରାଯାଇଥିଲା । ଆଗାମୀ ଦିନରେ ୫୦୦ରୁ ଉର୍ଦ୍ଧ୍ୱ ଛାତ୍ରଛାତ୍ରୀ ମାନଙ୍କୁ ପ୍ରଶିକ୍ଷଣ ଦେବାର ଲକ୍ଷ ରଖିଛି ସୋଆ ।