ମଧ୍ୟ ପ୍ରଦେଶରେ ଏବେ ବିଜେପି ସରକାର ରହିଛି। ଗତ ଥର ଏଠାରେ କଂଗ୍ରେସ ଜିତି ଥିଲା। କମଳ ନାଥ ମୁଖ୍ୟମନ୍ତ୍ରୀ ହୋଇଥିଲେ। କିନ୍ତୁ ଜ୍ୟୋତିରାଦିତ୍ୟ ସିନ୍ଧିଆ ଓ ତାଙ୍କର ସମର୍ଥକମାନେ ବାହାରି ଯାଇ ବିଜେପିରେ ମିଶିବାରୁ କଂଗ୍ରେସ ସରକାର ଭାଙ୍ଗି ଯାଇଥିଲା।
ନୂଆଦିଲ୍ଲୀ: ମଧ୍ୟ ପ୍ରଦେଶ ବିଧାନସଭାର ୨୩୦ଟି ଆସନ ପାଇଁ ନଭେମ୍ବର ୧୭ ତାରିଖରେ ଭୋଟ୍ ଗ୍ରହଣ ହୋଇଥିଲା। ଏଠାରେ ସରକାର ଗଢ଼ିବା ପାଇଁ ଯେକୌଣସି ଦଳ ବା ମେଣ୍ଟକୁ ୧୧୬ଟି ଆସନ ଜିତିବାକୁ ପଡ଼ିବ। ଏବେ ରାଜ୍ୟରେ ବିଜେପି କ୍ଷମତାରେ ଥିବା ବେଳେ କଂଗ୍ରେସ ଶାସନ ଡୋର ଧରିବାକୁ ଆଶା ବାନ୍ଧିଛି। ହେଲେ ମଧ୍ୟ ପ୍ରଦେଶବାସୀ କାହାକୁ ଦେଇଛନ୍ତି ଭୋଟ୍? ତାହା ଡିସେମ୍ବର ୩ ତାରିଖରେ ଫଳାଫଳ ଆସିବା ପରେ ଜଣାପଡ଼ିବ। କିନ୍ତୁ ଆଜି ଆସିଛି ବିଭିନ୍ନ ଜାତୀୟ ଗଣମାଧ୍ୟମ ଓ ସଂସ୍ଥା ପକ୍ଷରୁ କରାଯାଇଥିବା ଏକଜିଟ୍ ପୋଲ୍ ତଥ୍ୟ।
ଇଣ୍ଡିଆ ଟୁଡେ-ଆକ୍ସିସ ମାଇଁ ଇଣ୍ଡିଆ (India Today-Axis My India)ର ଏକ୍ଜିଟ୍ ପୋଲ୍ ତଥ୍ୟ ଅନୁଯାୟୀ ବିଜେପି ୧୪୦ରୁ ୧୬୨ଟି ଆସନରେ ଜିତିବ। କଂଗ୍ରେସକୁ ୬୮ରୁ ୯୦ଟି ଆସନ ମିଳିବ। ଅନ୍ୟାନ୍ୟଙ୍କୁ ୦ରୁ ୩ଟି ଆସନ ମିଳିବ।
ଇଣ୍ଡିଆ ଟିଭି- ସିଏନ୍ଏକ୍ସର ତଥ୍ୟ କହୁଛି ବିଜେପି ୧୪୦ରୁ ୧୫୯ଟି ଆସନ ଜିତିବ। କଂଗ୍ରେସକୁ ୭୦ରୁ ୮୯ଟି ଆସନ ମିଳିବ। Republic TV-Matrizeର ସର୍ଭେ ଅନୁସାରେ ବିଜେପି ୧୧୮ରୁ ୧୩୦ ଆସନ ଓ କଂଗ୍ରେସ ୯୭ରୁ ୧୦୭ଟି ଆସନରେ ଜିତିବେ। ଅନ୍ୟାନ୍ୟ ଦଳଗୁଡ଼ିକୁ ୨ଟି ଆସନ ମିଳିବ। ସେହିପରି Today’s Chanakyaର ଏକଜିଟ୍ ପୋଲ୍ ଅନୁଯାୟୀ ବିଜେପିକୁ ବିପୁଳ ବିଜୟ ମିଳିବ। ଦଳ ୧୩୯ରୁ ୧୬୩ଟି ଆସନ ଜିତିବ। କଂଗ୍ରେସ ୬୨ରୁ ୮୬ଟି ଆସନ ପାଇବ। ଅନ୍ୟାନ୍ୟ ଦଳକୁ ୧ରୁ ୯ଟି ଆସନ ପାଇବେ। ଏହି ତଥ୍ୟଗୁଡ଼ିକୁ ଦେଖିଲେ ଜଣାପଡ଼ୁଛି ବିଜେପି ସହଜରେ ଜିତି ଯିବ।
ଅନ୍ୟପକ୍ଷରେ ଜନ୍ କି ବାତ୍ର ସର୍ଭେ ଅନୁଯାୟୀ ବିଜେପି ୧୧୦ରୁ ୧୨୩ଟି ଆସନ ଜିତିବ। କଂଗ୍ରେସକୁ ୧୦୦ରୁ ୧୨୫ଟି ଆସନ ମିଳିବ। ସେହିପରି ଦୈନିକ ଭାସ୍କରର ତଥ୍ୟ ଅନୁସାରେ ବିଜେପିକୁ ୯୫ ୧୧୫ ଓ କଂଗ୍ରେସକୁ ୧୦୫ରୁ ୧୨୦ ଆସନ ମିଳିବ। Polstratର ସର୍ଭେ କହୁଛି ବିଜେପି ୧୦୬ରୁ ୧୧୬ ଆସନରେ ଜିତିବ। କଂଗ୍ରେସ ୧୧୧ରୁ ୧୨୧ଟି ଆସନ ଜିତିବ। ଅନ୍ୟାନ୍ୟଙ୍କୁ ୦ରୁ ୬ଟି ଆସନ ମିଳିବ। ଅର୍ଥାତ୍ କଡ଼ା ଟକ୍କର ହେବ ବୋଲି ଏହି କେତୋଟି ସର୍ଭେର ତଥ୍ୟରୁ ଜଣାପଡ଼ୁଛି।
ମଧ୍ୟ ପ୍ରଦେଶରେ ଏବେ ବିଜେପି ସରକାର ରହିଛି। ଗତ ଥର ଏଠାରେ କଂଗ୍ରେସ ଜିତି ଥିଲା। କମଳ ନାଥ ମୁଖ୍ୟମନ୍ତ୍ରୀ ହୋଇଥିଲେ। କିନ୍ତୁ ଜ୍ୟୋତିରାଦିତ୍ୟ ସିନ୍ଧିଆ ଓ ତାଙ୍କର ସମର୍ଥକମାନେ ବାହାରି ଯାଇ ବିଜେପିରେ ମିଶିବାରୁ କଂଗ୍ରେସ ସରକାର ଭାଙ୍ଗି ଯାଇଥିଲା।
ରିପବ୍ଲିକ୍ ଟିଭି- ମାର୍ଟିିଜ୍
ବିଜେପି: ୧୧୮-୧୩୦
କଂଗ୍ରେସ: ୯୭-୧୦୭
ଅନ୍ୟାନ୍ୟ: ୦-୨
ଟିଭି୯- ପୋଲଷ୍ଟାର୍ଟ
ବିଜେପି: ୧୦୬-୧୧୬
କଂଗ୍ରେସ: ୧୧୧-୧୨୧
ଅନ୍ୟାନ୍ୟ: ୦-୬
ଜନ କୀ ବାତ୍
ବିଜେପି: ୧୦୦-୧୨୩
କଂଗ୍ରେସ: ୧୦୨-୧୨୫
ଅନ୍ୟାନ୍ୟ: ୦-
ଦୈନିକ ଭାସ୍କର
ବିଜେପି: ୯୫-୧୧୫
କଂଗ୍ରେସ: ୧୦୫-୧୨୦
ନ୍ୟୁଜ ୨୪- ଟୁଡେଜ୍ ଚାଣକ୍ୟ
ବିଜେପି: ୧୫୧
କଂଗ୍ରେସ: ୭୪
ନଭେମ୍ବର ୧୭ରେ ମଧ୍ୟପ୍ରଦେଶ ବିଧାନସଭା ପାଇଁ ହୋଇଥିବା ନିର୍ବାଚନରେ ୭୭.୧୫ ପ୍ରତିଶତ ମତଦାନ ହୋଇଥିଲା, ଯାହା କି ୨୦୧୮ତୁଳନାରେ ପ୍ରାୟ ୧.୫ ପ୍ରତିଶତ ଅଧିକ ରହିଥିଲା। ନିର୍ବାଚନରେ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନଙ୍କ ନେତୃତ୍ୱାଧୀନ ଶାସକ ଭାରତୀୟ ଜନତା ପାର୍ଟି (ବିଜେପି) ଏବଂ ବିରୋଧୀ ଭାରତୀୟ ଜାତୀୟ କଂଗ୍ରେସ (ଆଇଏନ୍ସି) ମଧ୍ୟରେ ତୀବ୍ର ପ୍ରତିଦ୍ୱନ୍ଦ୍ୱିତା ଦେଖିବାକୁ ମିଳିଥିଲା। ଡିସେମ୍ବର ୩ ତାରିଖ, ରବିବାର ଦିନ ବିଧିବଦ୍ଧ ଭାବେ ଭୋଟ ଗଣତି କରାଯାଇ ଆନୁଷ୍ଠାନିକ ଭାବେ ଫଳାଫଳ ପ୍ରକାଶ ପାଇବ।