ମିଶନ ଶକ୍ତି ଅଟୋ ଚଳାଉଛନ୍ତି କେନ୍ଦ୍ରାପଡ଼ା ବଛରେଇ ଗାଁର ଦମୟନ୍ତି । ଦମୟନ୍ତି ଜଣେ ଗୃହିଣୀ । ଘରର ଦୈନ୍ୟନ୍ଦିନ କାମ ସାରି ସେ ଏହି କାମ କରୁଛନ୍ତି । ସ୍ଥାନୀୟ ଅଂଚଳର ଲୋକଙ୍କୁ ମେଡ଼ିକାଲ ନେବା, ଏସଏଚଜି ମହିଳାଙ୍କୁ ବ୍ଲକ କାର୍ଯ୍ୟାଳୟରେ ପହଂଚାଇବା ଭଳି କାମ କରି ସ୍ଥାନୀୟ ଅଂଚଳରେ ପ୍ରଶଂସାର ପାତ୍ର ପାଲଟିଛନ୍ତି ।
ମିଶନଶକ୍ତି ବିଭାଗ ପକ୍ଷରୁ ଦମୟନ୍ତିଙ୍କୁ ଇଲେକ୍ଟ୍ରିକ୍ ଅଟୋ ଯୋଗାଇଦିଆଯାଇଛି । ଗ୍ରାମୀଣ ପରିବହନ ସେବା ଯୋଜନାରେ ଅଟୋ ଚଳାଉଛନ୍ତି ମହିଳା । ଏହି ଅଟୋ ଥରେ ଚାର୍ଜ ହେଲେ ୧୦୦ କିଲୋମିଟର ଚାଲିଥାଏ । ଦମୟନ୍ତିଙ୍କ ସଫଳତା ଏବଂ ଆତ୍ମନିର୍ଭରଶିଳ ହେବାର କାହାଣୀ ଏବେ ସ୍ଥାନୀୟ ଅଂଚଳରେ ଚର୍ଚ୍ଚାର ବିଷୟ ପାଲଟିଛି ।